كتب / وائل مسلم / الاحترام والحياء
يااللى بتتكلم عن رفع الحجاب هو برقع الحياء اترفع ولا أيه يا أبو كلام خاب إن كنا هنكلم احباب و من غير زعل و نبقى أصحاب مزعلك فى ايه لبس الحجاب
الاحترام واجب للمرأة و لا انت عايزها بمايوه عشان يسيل اللعاب ياأخى مكفاية اللى بيحصل فى الفضائية من عرى ولا انت مش شايف و معندكش لوم و لا عتاب لسه مصر وبلاد العرب بخير يعني لسه باقى القيم و الاخلاق صحيح محدش فيهم غاب و اللبس مش جوهر الموضوع لا انت عاجبك اللى عامله ضفيرة و اللى شعرها ساب حتى مسلمتش من لسانك اللى لبسه الحجاب
ان كنت بتعاكس فى البنات فى الذهاب و الاياب بنت مصر حرة و أصيله وكذلك البنت الحره العربيه يا اخي افتكر يوم الحساب ده الكلام بتاعك كلام خايب ان كنت عاقل أو لسه طالب يبقى كلامك فتنه مش مطالب و على ايه تتكلم و تطالب و تعمل فيها باحث ده الموضوع من باب الادب مالك و مال المحصنات صحيح الادب فضلوه عن العلم و مش برهان عليه لبس أو خلع الحجاب بس الحجاب أحسن وسيلة دة الحجاب حرية و اختيار و الفضيله و الرذيله دول يحاسب عليهم المولى اللى خلق النار و العذاب احفظ لسانك عشان يوم الحساب عشان لما ترقد فى التراب خلى كلامك عذب ميبقاش مشوش فيه اضطراب و افتكر ان اللى يعيب فى الناس الكل فيه عاب سبت فى مجتمعنا بعض السلبيات و العيوب ملقتش غير الحجاب طيب بنت مصر او بنت العرب تخلغه و لا تتركه انت عايز ايه اخينا عامل فيها شيخ ولا راعى بتنصح فينا المجتمع لسه سليم بس خليك فى حالك الوقت مش محتاج خراب الدين سهل و يسير بس انت عايز تمشى فى الضباب فيها ايه لبس الحجاب
الحكاية و الرواية انك غاوى شهرة و الاحترام له ناس يبقى ليه نمشى ورا كلام سراب البنت الحرة الاصيله و الست اللى فهمه عمر الضمير عنها ما غاب و اللى معندوش ضمير مش فارقه معاه اللى لبسه الحجاب أو اللى لبسه النقاب أو اللى شعرها ساب ربك هو اللى يحاسب لانه رب قلوب والست المحترمه بتعرف تحافظ علي نفسها لو وسط الذئاب سواء بالحجاب او من غير حجاب اللبس مش مقياس المحترمه محترمه واولاد العرب وبناتنا
يعرفو معني الاحترام مش بالحجاب او من غير حجاب كلامك ا لخايب هو اللي خلق الارهاب وخلي العيشه ضباب يبقي ليه تعملو فكره خطا وهباب اللبس مش مقياس بطلو نباح الكلاب لان الست المحترمه تعرف تصون واللي متربيه تعرف الاحترام مش الحجاب
هو المقياس ايوه لازم ناخد بالاسباب انت ترضى لحمك ينهشه الكلاب طيب ارجع للتاريخ و شوف احترام النساء و المحافظة على المرأة اتعمل لها حرملك أرجوك دور فى الكتاب متمشي ورا كلمة خايبة و لا اللى عمال بيفتى أفهم و اقفل الابواب فى الشريعة دى فريضة لكن للمرأة حقوق و هى عارفة ازاى تحمى نفسها و عارفة لزوم الاداب يبقى خلاص مافيش نقاش بالاختيار أو بالفريضة دى حرية ياأخينا يبقى ماتكلمش عن لبس أو خلع الحجاب
مفيش في اي دياته محدد لبس للمراه لكن ليها الحريه وحسن الاختيار في اطار الاحترام
وتصون العوره والمفاتن وبنت العرب تعرف تصون متتكلمش في المذاهب والديانه لان الاحترام موجود في كل دين وحق المراه مكفول يبقي مش محتاجين حد يفتي ويقول ده احترام المراه له اصول وهي تعرف تحمي نفسها لو في براثن الغول
